NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

USANSIAS, MODOS DE BIERE E DE PENSARE

 

Si unu domandare

devìada una femina a isposa

obbrigu informare

su babbu e sa mama in prima cosa

de issos su parère

occurriad'a tenne' pro dovere.

 

Tando su trattadore

fiduciosu devìada chircare

omine de sentore

de pode' su partidu presentare

chi esserede andadu

pro l'aer sa femìna domandadu

 

Tenner contu devìada

de domandare sa fiza mazzore

ca unu non podìada,

a seperare sa pius minore,

custu de rispettare

ca sa manna fit prima a cogiuare.

 

Custa sua proposta

che beniada bene esaminada

prim'e dare risposta

sa parentela fit tottu informàda

su cunsensu de tottu'

pustis fit bene s'omine connotu.

 

Si unu possediada

terrenu, e diversu podère

si erveghes teniada

cantas fian l'ischire fit dovere

in tottu informande

si teniada s'ebba domandande.

 

Beniada invitadu

cando sa cosa fit tott'in favore

ch'esserede andau

a dom'e issa cun su trattadore

e a una tarda ora

pro non l'ider b'intrande zent'e fora.

 

Faghiana su cumbìdu

cun genitores e custrinta zente

su cògiu incrarìdu

pro podere andare frequente

sos donos si poniana

c'a los chinghe' sa die usaiana

 

Cando sn passizada

cun sa sua amorosa si faghiada

sempere accumpanzada

da' atera pessone la teniada

prim'e iscurigare

che deviada a domo rientrare.

 

Grabbosu chi esserà

amorande, limitare su giogu

ca in sa ziminera

b'aiada palita e tiravogu

sa socra l'usaiada si med'aprofitande lu bidiada.

 

Oe est cambiadu.

Eilana, ordini, faghen tessidura

in su logu vardadu

a furinu che paschen sa pastura

cando faghen sos dannos

andana a su riparu da' sos mannos.

 

Pietro Laai Edicolante - Gavoi 1994

Calendario eventi

Lun Mar Mer Gio Ven Sab Dom
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Chi è online

Abbiamo 26 visitatori e nessun utente online