NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

SAS VIRTUDES DE MATTEU

 
Cando giovan’ancora fit Matteu
s’aiad’unu giuu comporadu
ca de massajiu faghìat s’impreu
 
tando linna po fagher s’aradu
s’aiat post’in man’un’istrazone
e s’est’a unu litu accurziadu
 
noal’e innid’unu cherchizone
c’ad’isfundad’a corpos de istrale
e fatt’a de s’aradu su timone
 
s’ispad’e un’e atter’originale
chi attaccgìan’a s’istantarile
e de linna ‘e nughe si giuale
 
e un’arvada ezza in su fraile
su freilaz’attarzadu l’aiada
e gai fattu s’a su eranìle
 
e ca solu su carru li machìada
s’ad’una trae ispaccad’a forchidda
segad’a luna prena chi tenìada
 
e i sas rodas da tiu Massidda
s’aiat comporad’in Mamuiada
chi po carros famada ifì sa idda
 
s’iscal’e su carru intaulada
l’at cun campbas de cherch’e de ozastru
e costazos’e zerdaas fattu l’ada
 
fi tott’a doladura e a incastru
ca s’ad’ingeniadu tottu solu
solu sas rodas l’a fattu su mastru
 
cun sa raspa sa serr’e s’aschiolu
e si li bisonziat po marteddu
de sa istrale colpiat su tolu
 
e pìo bucare supr’unu zumpeddu
semper sa istrazon’a manizzadu
ponìat sa mammidd’a iscarpeddu.
 
Mattei mort’es cust’annu passàdu
ma nessi cussu carr’a monumentu
e de arzolas palas’a lassadu
 
a giuale cun loros po ammentu
ana cuun su gajion’es pedde crua
e supra mobil’in d’un’aposentu
 
su fizu mannu cun sa mura sua.

 

Dettori Gavino

Calendario eventi

Lun Mar Mer Gio Ven Sab Dom
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Chi è online

Abbiamo 62 visitatori e nessun utente online