NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

SAS TRES TABBACCONAS
Già mi l'has fatta Costeri a mandare
Cussas tres tabbacconanas rinomadas
Dae sa die chi suni arrivadas
Non mi lassana un'ora riposare
            Appenas chi a innoghe sun bennidas
            Istragas de viaggiu malamente
            Pedin a tabbaccare solamente
            Pane non pedin si suni famidas
            Solu pro tabaccare inferocidas
            Cussu solu las podet allegrare
                       Cussas tres tabbacconas rinomadas
                       Già mi l'has fatta Costeri a mandare...
Lampu già mi l'has fattu su regalu
De coro ti ringrazio Costeri!...
Cheren a cont'issoro un'istancheri
Mai chi bastat non l'han nadu galu
Imbissiadas sun a puntu malu
E non provana mancu a moderare
                       Cussas tre tabbacconas rinomadas
                       Già mi l'has fattu Costeri a mandare
Si comente in Sardigna iscarsidade
De su tabbaccu est'istada continu
Innoghe inveces d'ogni tabbacchinu
Est provvisti de tipu e calidade
Non tenen pro su nasu piedade
E cheren su perdidu acquistare
                       Cussas tre tabbacconas rinomadas
                       Già mi l'has fattu Costeri a mandare...
E gasi tinde ses iscarrigadu
Supra sos pes mios es' su pesu
Mancu t'haere traittu e offesu
D'haere custu regalu meritadu
De su presente chi m'has'imbiadu
T'happo pro tottu vida a graziare
                       Cussas tres tabbacconas rinomadas
                       Già mi l'has fatta Costeri a mandare...
Mira chi faeddadu ti happo francu
De sa franchesa non t'has'a offendere
Già ses a gradu de poder cumprendere
Calcula bene cantu sia istancu
Ca non si trattat'ispesa de francu
Cherede una sienda a poderare
                       Cussas tres tabbacconas rinomadas
                       Già mi l'has fatta Costeri a mandare

                                   Francesco Sedda-Cidu (Coanu)

                                   (Gavoi 21/2/1898 - 5/4/1949)

Calendario eventi

Lun Mar Mer Gio Ven Sab Dom
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Chi è online

Abbiamo 31 visitatori e nessun utente online