NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

COMPARE BOS ISCRIO
 
Compare bos iscrio novamente
Cun affettu e amore liberale
Apposta pro bos dare unu signale
De su logu ch'abito e so vivente
            Cand'in Sardigna est die risplendente
            Innoghe veramente notte signa
Cand'est die risplendente in Sardigna
Innoghe signa notte veramente
Cando in Sardigna est notte risplendente
Innoghe est notte, su signo bos do
Compare bos iscrio novamente
Cun amore e affettu liberale
Apposta pro bos dare unu signale
Logu chi abito e chi vivente so
            Muntagna nen cresura non bat nò
            Ch'est totta pinura sa campagna
            Non bat nò nen cresura nen muntagna
            Ca sa campagna est totta pianura
            Non bat nen muntagna nen cresura
            E nen preda s'agattada iscomitto
Compare bos iscrio novamente
Cun affettu e amore liberale
Apposta pro bos dare unu signale
Ca so vivende in su logu chi abito
            Monzu a coro sanu bos promitto
            Ch'in Sardigna est beranu innoghe attonzu
            A coro sanu bos promitto monzu
            Innoghe attonzu in Sardigna beranu
            E bos promitto monzu a coro sanu
            Cust'est giustu non bat burla nen jogu
Compare bos iscrio novamente
Cun affettu e amore liberale
Apposta pro bos dare unu signale
Chi so vivente in su chi abito logu
            Pensadu happo in su meu disaogu
            Chi bina cambiada l'hat su Deu
            Pensadu happo in su disaogu meu
            Chi bat binas su Deus cambiadu
            In su disaogu meu happo pensadu
            Essende d'ogni cosa differente
Cun affettu e amore liberale
Compare bos iscrio novamente

 

Demetrio Urru - Deligia

(Gavoi 5/3/1885 - 28/8/1932)

Calendario eventi

Lun Mar Mer Gio Ven Sab Dom
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Chi è online

Abbiamo 37 visitatori e nessun utente online